ياشهر الهدي والفرقان
Posted by mano
Posted on 4:12 ص
هليت بالفرحة علينا
ياشهر الهدي والفرقان
ياهدية ربنا لينا
وأيامك بر وإحسان
يامجمعنا مع أهالينا
يامزود صلة الأرحام
بتجدد فـ قلوبنا الهمة
وتبكي عنينا من الخشية
نهارك صيام وليلك قيام
ورضا وعفو من رب الأنام
بتصحي الإحساس فينا
علي مسكين فقير غلبان
وشكر النعمة اللي فـ إيدينا
وغيرنا كتير منها في حرمان
وبنقرأ في كتاب الله
بعد شهور عشنا فـ هجران
علمتنا معني الإخلاص
يا سر بين العبد وربه
ومينفعش نراءي الناس
الصوم لله بس لوحده
والمولي عطائه عظيم و كبير
لـ اللي يخلص فيه لمولاه
متستناش ثواب من الغير
مين ثوابه زي الله
أوله رحمة بيها نتراحم
وبعديها مغفرة لمذنب آثم
وفـ آخره عتق من النيران
يامصحي فينا الإيمان
فضلك عظيم أوي يارمضان
وكلمه وقالها هادي البشر
خاب وخسر خاب وخسر
وكان جوابه عن مين هو ده
من أدرك رمضان ولم يغفر له
صدقت ياحبيي يارسول الله
صدقت ياحبيي يارسول الله
